Prenetu (Genova)

de Giovanni Chessa

 

Nues incugutant aèras

e sos bentos
burbutendde las múlinant
las strofizant
las mórigant

current intre pàntumas

de bruiados padentes
in rocas buluzadas e dirrutas
in tèremas chi tèremant rios
in fràigos chi tèremant abbas
abbas...abbas...abbas

alènos ifustos s'imbóligant e current

cun aèras incaldanadas e fritas
gutzios gramant gutzios
s'inturtant in mannugros
si prenddent in fasches
in calcas e troposas
abbas...abbas...abbas

aurtidos riizolos naschint...creschent

aunddant badditas e iscampitos
revudados dae serras de montijos
ghetant e isolvent terras
codinas de asprines...
terras rassas de iscras
terras e predas
predas e terras
imbucant tuvas intre sinu de custa 'idda...
trazant sas carreras e corrales
bombent
abbas...abbas...abbas...
chi leant
vidas...vidas...vidas...

iscrarint aèras

e pasant in s'ata de mare
dolos de mamas
làgrimas agras
in missas cantadas
in paràulas ripicadas
in narrer isoltos
de su chi su connotu
nos aiat prenetadu...