Notzensia …

de Gigi Angeli

Sa temporada como ha senzadu …
e dai sa janna ùna criadura
isculza e murri brutta, a fuidura
che bessit de carrera in s’impedradu.

a pass’inzertu trippigat friscura;
intrende poi a pagu in s’isterradu
de abba e lozto cue appauladu
su mare sou agattat … de ”ermosura”! …

trambùccada ruendeb’accusciàda
e a su tunciu ‘essidu de improvvisu
in anneu bi curridi sa mama ….

ma un’ojada in òrulu de errisu
erettu e a sa muda che li dada
chenza che ogare zittu ‘e una crama …

pro cant’infrainada tottu ‘e lotzo
sa “notzensia” … netta nd’est restada ! …

Menzione al Premio Letterario Osilo 2012 – VIII edizione