Chi ‘olis

de Sandro Chiappori

De murru e de frunzas
m’as bistiu
e boxi sarragada m’as donau
e passixeddu stracu
bisura trista
astrioris in su coru
notis de spinas e daboris.

Chi ‘olis…
sigheus a bandai impari;
ma sboidadindeddas is buciacas
prenas de cussus ischirighìngius
chi mi nd’as bogau de cara…
e torramindeddus
becesa susunca!

At essi intristia sa cara mia;
ma bidas mi ddas as
custas manus
sinnadas de milli arrebentus?
Dd’as mai bida sa terra mia
ariseru a trigu bitzu
e oi a cannaioni?
Dd’as mai ascurtada sa tribulia sua
e sa tribulia mia…
dd’as mai ascurtada?

Chi ‘olis imoi ap’a prangi…
ma deu notesta
tengu una noti de luna
unu cungiali de steddus de bufai
e fintzas curbas de muttetus
de cantai!

Sezione Poesia a tema libero Premio di poesia in Lingua Sarda “Benvenuto Lobina” Villanova Tula 2012