sabato 5 luglio 2014

Sa notte pius manna


de Maria Sale 

Sa notte pius manna
accolla ch’est torrada
dend’ispantu e consolu.

S’istella chi nos lughet
cun alas de anghèlu
a costazu nos falat.
Nos mustrat caminera
su chelu nos ispannat
intro sa Notte Santa.

Sa notte pius manna
accolla ch’est torrada
dend’ispantu e consolu.

Tue torras pitzinnu
su coro ti ch’ammajas
in bantzigu de ambaghe.
Intendes sos carignos
s’isper’est accassada
s’inie t’imbenujas.

Sa notte pius manna
accolla ch’est torrada
dend’ispantu e consolu.

Intrattenela goi
sa notte chena nue
sa notte tott’incantu.
Né gherra né affannu
sessende su piantu
nascat paghe tottue.

Sa notte pius manna
accolla ch’est torrada
dend’ispantu e consolu.


Nessun commento:

Posta un commento