mercoledì 20 novembre 2019

Lìberos de Vincenzo Pira



Lìberos
de Vincenzo Pira 

Sa maleitta mala!
Ite cheris dae nois?
A nos imbrenucare
po suzicare unu mere?
O si nono a linghere isterzos anzenos
isperande una carche a culu
po podere narrere ca amus vintu?
Nossinnore.
Non cherimus tropeas.
Cherimus dromire liberos
cantare battorinas in ue brullas e inzurzas
non pedint premissu a nessunu.
Travallare, iscriere e cantare
chene promintas de premios
tattandesi solu de libertade
e de ganas de olare.



Nessun commento:

Posta un commento