De chin’est custa oxi
chi mi dromit acanta?
A bortas
est cantu sullenu
arrastu ‘e ternura
in andaras siguras
de sempri cicadas.
Atras m’acorrat
a sa frida
intremesu is follas sicadas
no si sapit
de i’ nexis ancora friscas
presoneras
de su tempus chi no torrat.
Mi pregontu poita
si si prandis de i’ duda’ mias
no mi ‘onant costau
Candu
sa pagu luxi
chi portu a intru
no nci dda fait
a tragai sa ‘ruxi.
No isciu ita ddi nanta
epuru dd’abetu
in dònnia làcana
ch’indullit a s’atressu.
Siguru o trevessu?
Chissai!
Ma ‘enit de ingui
su mui-mui
chi mi dromit acanta.
2° in Lingua Sarda al 14° Premio di Poesia Città di Iglesias 2012
Nessun commento:
Posta un commento