-A su cuncursu de Milanu-
Bene bennidos o frades a festare
custu tertzu cuncursu ‘e poesia
naschidu in custa terra ‘e Lombardia
pro cherrer sa Sardigna onorare.
Che nois traessadu azes su mare,
poetas de s’antiga isola mia,
pro dare lustru a tanta maghìa
de custa festa bella ‘e ammentare.
Nois sardos emigrados a Milanu
bos accollimus cun sintzeru amore
pro nos passare impare una serada.
Sa prima cosa est un’astrint’’e manu,
cun s’istima sincera e su fervore
de nois sardos de cada contrada!
Nessun commento:
Posta un commento