de Angelo Maria Mingioni
Si mai chircas sa luche,
curre ass’addobiu de s’umbra
e ascurta:
su mudòre est un’orchestra ‘e notas.
Picca sa tua e bae.
Si mai chircas su chelu,
fala a su coro ‘e sa terra
e aléna:
su sambene profumat de lizu.
Bibe e bae.
Si mai chircas amore
curre cara a sa bida
e pompia:
cada morte est’unu frorire continu.
Donati e bae.
Abbrazza sa connoschènzia
si podes
de tene matessi.
Menzione d’onore concorso poesia Ossi SS 8 Febbr. 2014
Nessun commento:
Posta un commento