Un
maritu in disispéru
di
Giovanni Piredda
Colc’e
màl’avvinturàtu
paldut’àgghju
‘ogna piacéri
sciuarèndi
una muddhéri
malamènti
soc’andàtu
discuntènt’e
currizàtu
socu
a cùlmu di pinséri.
Schirrièndi
in mez’a tànti
n’àgghj’aut’ùna
curriola
semp’allùtta
e brincaiola
càntu
bèddha allégramànti
a
trattàlla sò in tànti
chi
no résci a filmà sola.
S’appruvètta
di ‘ùgna còsa
no
li làssu mancà niènti
m’accarìgna
indiffarènti
candu
in coda mi si pòsa
bucchi
dùlci si m’impròsa
cu
la lìnga dun salpènti.
Lu
mé nòmmu polta in bùcca
di
‘antàssi n’appruvètta
no
s’infàlta illa dirètta
e
la lìnga si la sciùcca
la
ligghjttima s’aspètta
pà
chiré no si dirrucca.
D’esse
bèddha si la crédi
no
l’impòlta lu passàtu
tutt’abàli
à sminticàtu
a
dugnùnu si cunzédi
pà
ghjrà picchi di pédi
che
cunnòtta in dugna làtu.
No
s’ arrègghj pà un momèntu
si
smintìca di cal’éra
vintulìigghja
chè bandéra
dugna
‘òlta chi và vèntu
sbulazzènd’e
unu scalmèntu
pàri
sempri in primaéra.
E
s’allégra si bistèntu
candu
éscu pà trabàddhu
chi
ghja pròntu è l’altu ghjàddhu
di
spiumìni ill’appusèntu
oramài
a chiss’abbèntu
v’à
ghja fàttu ossi e gàddhu.
Agghju
‘ùlutu cuiuammi
solamenti
pà piacéri
no
vulìu filmà sultéri
malaùra
dìa tuccàmmi
sò
abà tutti a mintuammi
pà
dì cosa è mé muddhéri.
Segnalazione
al XIII premio di poesia “Pietro Casu” - Berchidda Gennaio 2017
Nessun commento:
Posta un commento