Nuscu de narbedda

de Sandro Chiappori

Dicono che quando una farfalla si posa su di te,
sia l'anima di una persona cara che viene a consolarti

Me is pascidroxus assoliaus
sètziu e annugiau
che còdula in s’erba
as lassau pastoreddu
de trubai su tallu
chi a su pàssiu si sprabaxat
poita ti ‘olis istentai
a franigai s’àbidu nuscosu
de unu frori ‘e narbedda.
E faci a soli castias
is alas d-una mariposa
chi s’arrimat lena
me is manus tuas.
Baixica…
“ses tui, mama?”.
Gana de bolai tui puru
timoria de arrùiri
comente is làgrimas
chi no poderas.
E innantis de si ndi bolai
in d-una trempa
unu bàsidu lèbiu
chi nuscat de narbedda
ti lassat in sa trempa.

A su scurigadroxu
accumonas su tallu
in s’interis ch’intendis
prus pagu tristu
de sa cixigraxa su cantu.

1° Premio - versi scolti – Prèmiu “Tiu Finu” Romana (SS) 2013