Mamas-umbra
de Giovanni Fiori
Ah! Mamas-santas chena latte in titta
ne ranzas de ispera in mezus sorte:
isfattas sonniende un’ischinditta
ch’ammonestet su mundu a boghe forte.
Ma sos ch’han tronas e furcas in corte,
sa franc’abberta e punna malaitta,
a bolu che dimònios de morte
ponen fogu… E li naran gherra fritta.
Cherizis paghe trigu e dignidade:
ma sas ruinas de pedras e ìscias
bos lassan solu su dolore in chizos.
Ca poderìos chena umanidade
’occhin s’amore cun sas ingiustìscias…
E mamas-umbra pianghende fizos.
Mesania de abrile 2018
https://www.luigiladu.it/poesias/mamas_umbra.htm
Nessun commento:
Posta un commento