Ocros de colore ‘e chelu
pompiande su cras de sa vida
mi dimandant dae n’ue soe torrande
po imparare a n’ue andare.
Paraulas arcanas
suitas chin tristura
po abituare s’anima
a mementos de amargura.
App’intesu un’alinu lenu
cumbidandemi a bolare
po pintare bellesas
ch’ inoche non s’ident.
Timo sa notte
de mutria teraca
tropeinde sa gana
de torrare a cantare.
Biazeri chi si fuit
oje o cras s’ istracat
ca l’ant mortu sas ganas
e po custu est torrau.
Ghirande e torrande.
Nessun commento:
Posta un commento