venerdì 17 ottobre 2014

A Maria Giovanna Mele


de Giuseppe Concas

Fatalidade trista luttuosa
perde sa vida in tenera edade
serena prena 'e felicidade
in tottu e pro tottu virtuosa.

A s'ora pro so' suos bisonzosa
Ti che l'as giuta a s'Eternidade
proite no n'as tentu piedade
Tue manu santa poderosa.

Creador'e 'onz'essere vivente
podias evitare custu dannu
a cust'umile poberita zente.

Prite su babbu at norantun'annu
sa mama anzian'e sofferente
e martire su zio pius mannu.
_________________________
Como sun'in tristura e in'affannu
dalis fortza e corazu moralmente.


Nessun commento:

Posta un commento