Augurios de onzi beni

de Vincenzo Piu 

Po custas festas mannas est normali
Chi a modu miu esprima is augurius
Ca in coru coltivu e sunt’ sigurus;
Nanta, si beni seminas prus crexit
Po dogn’anima bona chi minexit
Passit sanu e felitzi su Nadali.

Cun sa franchesa mia cordiali,
S’auguriu est po merìtu mannu
Balit po oi crasi e po tott’annu
Sene iscomodai s’ipocrisia,
Ca est atesu de s’anima mia
Po sa sinceridadi - mai banali.

Serrai s’annu - cun animu cuntentu
Faend’intrai su nou prosperosu
In su traballu - s’amori e su gosu,
Siaus sempir’in paxi tra umanus
De dogn’atera fedi o cristianus
Bivaus s’annu in sabiu sentimentu.
Amigus e Amigas Istimadas
De sa Fortuna Siais Basadas.