de Paolo e Marinella Pulina
Unu primatu de sos italianos de oe
Su cumandamentu de no furare?
Narat Benigni: pro sos italianos:
calchi primatu li devet tocare!
Pro sos antigos giobertianos
baliat su primatu tzivile e morale;
oe una categoria non podet istare
chena partetzipare, che mannale,
a s’ingrassu, a una fura regulare.
Furant: sos politicos natzionales
e regionales; militares; impiegados;
non furant comente sos animales
cando dai su fàmine sunt leados!
Pius nd’ana, pius sun fenomenales
furadores, chena irgonza, biados!
Pro s’EXPO già si sun allenados;
e in su sport olimpicu de sa fura
sa medaglia de oro già est segura!
Bona Pasca de Nadale a Bois, zente pura,
e Bonu Annu Nou! A sos eroicos fantes
de sa “Brigata” naramus: sos fur-fantes
unu seculu poi ana ìnchidu, arrogantes,
sa gherra: e tando “Avanti, Sa Fura!”:
su primatu cheret mantesu cun cura!
Nessun commento:
Posta un commento