In chirca 'e sa zenia

de Romanu Adriani Lay

Che andantanu ‘ol’in sas aeras;
a caddu de chintales rujispanos
atraesso cunzados solianos
adojende sas rudes camineras,
chi mi cundùant e cun proas bèras
ue est sa dignidade ‘e sos umanos.

E cun su pensu sigo pro agatare
cun chie dignidade est parentàda
e da-i chie l’apet eredada
bunda manera ‘e si cumportare,
ca no est cosa ‘e poder istrinare,
ma prella ch' andat solu meritada.

Bido zente potente e dinarosa
cun samben’in sas venas biaitu,
chi riverida est in donzi situ,
ca su ‘inar’aporrit ‘onzi cosa,
chirchende so istiga meritosa
pro l' imprentare alabadu diritu.

Bido zente potente e dinarosa
cun samben’in sas venas biaitu,
chi riverida est in donzi situ,
ca su ‘inar’aporrit ‘onzi cosa,
chirchende so istiga meritosa
pro l' imprentare alabadu diritu.

E tando da ue ‘enit cust’erentzia?
Imbèrghid’in calancas de sa mente,
b’apo serrone che mai in vida mia,
Fiz’e mama ‘e ch’est sa dignidade?
De tzertu no est fiza ‘e vanidade
E mancu mama de sa prepotentzia,
forsis in parentella ‘e sa cuscentzia,
in bona parte pur’e s’onestade.

agato su chi primmu non bidia
ca in intragnas est de paga zente,
ma l’iscoberzo como tzertamente
custu triunfu ‘e nobile zenia.

Su miseru trabagliu in povertade
jobadu cun annèos e dolores,
bròtat che in beranu cun fiores
e fumentos de manna dignidade,
prendas de oro pro s’umanidade,
arcuparadu de milli colores.

Edducas iss’est fiza ‘e sufferentzia,
de sabiesa pustis iss’est mama,
bonu telarzu tessid’at sa trama
pro fagher nostra cust’isperientzia,
contivizàda cheret cun sientzia
in nois sèmper bia che fiama.

Secundu Premiu in Rima a tema impostu Premiu Logudoro - Otieri 2013