Sa die chi giompimmus sos annos

de Giovanni Chessa

Biso de colare in carreras disconnotas
umbe su tipitiu s’incalchiat in nues
loddurende in aèras rasitos
de arantzos chi ilmuzurrados sinnant
prados isoltos in trèmenes isfundados;
predàglios aggoglint sos passos meos
chi mújant chin sa pranta filos de fenàile,
isticos achinados in terras semenadas
m’ammentant, chin sos sestos, ortos
afrizidos e sididos, in terras de fogu.
Gràlios de pitzinnos m’assustant!
m’assustant gràlios! in cust’acarvonada terra…!
Bator pitzinnos current chi d’unu cricu in manu,
current sighende sos lampizos de fogu,
current, giogajoghende,
iscabulende unu montiju;

bator pitzinnos mi colant in andarinas de sida.

Biso… ma non bido in terra su deus de Israele
bido chi non làmbrigat su deus de Palestina
e manos assucadas intre sàmbene
“faghent mòrrere in rughe mamas e fizos”;
ooh! deos mal’indeosados apompiade!
cricos andant sena pitzinnos chi los current…
Bator pitzinnos colant in àndalas turpas
sa manu pendente de sàmbene gutziat,
nendenende si lissessant:
“oje a deus fimmus chirchende
in custa die chi sos annos giompimmus …”

cricos andant sena pitzinnos chi los current…




Il giorno del nostro compleanno

Nel sogno attraverso sentieri di tedio
di fuligginosa polvere che s’addensa in nubi
e tra l’aria rotolano informi frasche
di capitozzati aranci che segnano
campi sciolti in fondachi e fossati;
pietraie accolgono i miei passi
che piegano esili fili di fieno,
tra terre seminate, neri stecchi
mi rammentano il delimitare di orti
assetati e rinsecchiti, scottati.
Mi spavento agli improvvisi richiami di ragazzi!
mi spaventano i vivi… richiami! In questa terra annerita…!
corrono quattro ragazzi dietro a cerchi di ferro,
corrono dietro a fessure di luce e tuoni,
corrono e si rincorrono nel giocare,
oltrepassando una bassa collina;

su portantine di frasche mi passano davanti quattro ragazzi.

Sogno…e in questa terra non vedo il dio d’Israele,
vedo che il dio della Palestina non piange,
mani sciacquate nel sangue
“inchiodano alla croce figli e madri”;
ooh! dei mal nascosti dalla vostra beatitudine guardate!
cerchi di ferro rotolano senza ragazzi che li rincorrano…
Quattro ragazzi cammino su cechi sentieri
gocce di sangue cadono dalla cadente mano,
tra le labbra impastano un loro saluto:
“ cercavamo un dio oggi
in questo giorno del nostro compleanno…”

cerchi di ferro rotolano senza ragazzi che li rincorrano…