de Peppe Montesu
Canta canta poeta nessi tue
Cun rima dulches e armonicu cantu
Balsamu dae a onzi coro affrantu
rimas d’amore isparghe in tottue
de poesia piena ogni nue
lava s’affannu allughe s’ispantu
torra a sos coros bellessa e ispera
cancella fumos c’annuan s’aera
infunne a versos lacanas e muros,
de onzi anima istracca e affannada
finat deretta sa longa nottada.
sa lughe mustra a sos coros iscuros
vivat sa zente in locos sicuros
finan sos dolos e s’intragna odiada
solu sa paghe s’ispannet in terra
muda ogni arma finat sa gherra
assutta de sas mamas sos piantos
e de giovanos su dolente istadu
venzat traballu a su disoccupadu
s’intennat solu risittos e cantos
sas limbas malas dian solu vantos
ognunu vivat chin su coro amadu
illuminet su mundu s’aurora
canta tue poeta canta ancora
Nessun commento:
Posta un commento