S’arte, unu jogu

de Sebastiano Mario Fiori

Has tessidu
tramas de ispera,
chin filos
de milli colores,
ben’annodados
pro ligare s’arte
a sa natura,
ca l’aias in coro
custu log’e incantu,
s’amada terra nadia !!
Sonnios,
janas,
maghias,
son’in donz’opera tua,
tott’est’amor’e bellesa,
dilicada poesia,
in libros de tela,
crabas cusidas,
muccadores,
pane pintadu !!

Has tessidu
tramas de ispera,
chin filos
de milli colores,
sempes pizzinna,
s’arte, unu jogu,
una prummissa…
cantas ideas !!
Muros, funtanas,
lettolos bentulende…
Maria,
commo dae susu,
forzis ses pessende
a una tela chena fine,
sa prus bella !!
Nos mancas meda,
ma tue l’ischis,
s’Ozzastra,
sa Sardign’intrea
non t’ad’a irmentigare !!

Poesia prima classificata al Premio di poesia sarda “Istillas de lentore” di Ulassai (Settima Edizione – Anno 2013)