Ite Ti podimus narrere?
Comente Ti sighimus a precare?
“El”, “Ra”, “Iavè” o si nono Chie?
Lumenes po Ti poder’annodidare.
Ello, AndiRa e BiRambìe
Ti sighimus a cantare
ma si sa oche est che su nìe
chie la podet iscaentare?
Tessiu sa vida amus chin pena
sinnà dae disinzertu destinu
po secare donnia cadena.
Provamus tando chin su ‘inu
a che moffere su sambene in bena
e conoschere gosi su Divinu.
Nessun commento:
Posta un commento