Su traballu in agonia

de Vincenzo Piu

Bentu de crisi, bentu ‘maletzosu
in s’animu si movit inchietu -
molinendi sentidus de abetu
chi svanessint-in tempus astiosu.

Nudda frorit, in trista cuscienzia
ca s’est arrebellada sa ripresa,
mentris crexit a craccu poberesa
cuendi de sa paxi passienzia.

Si pèsanta fruccaxas de amargori
contras su papa-papa generali
in cammineras de s’economia,

Perdeus dignidadi e capitali
cun risorsas a zeru de valori
arrancat su traballu - in agonia.

<><><>

Su coru in affannu, resolutu
asistit - cun sa fortza speranzosa
ca creit in sa vida - prosperosa
abetendi de s’òbera su fruttu.

Frimai ndi podeus - malu ‘entu
Po ndi calmai strasura bramida,
de modu chi scabiddit frori ‘e vida
e chi dogniunu tengat giovamentu.

Petantis sa fruccaxa de protesta
si umpèrit coment’e istrumentu
po bentular-isperas de lugori;

Incungendi amori e cuntentu
chissai! Chi torreus a fai festa
mantenendi asiendas in vigori.

Menzione D’onore Premio “ Su Casu” Sindia - 2012