Fémina Sarda

de Cristoforo Puddu

(a una betza)

 

Risitos, ses solu risitos.
Framadas de prata
t’allupian sos ogros
de isetu
e de cras assolados.
Est sa morte de sas dies.
Mere de liminarzu
remuzas
miradas innossentes
de dolu antigu,
raighinas de mudimine
t’an apasugadu
amarguras.
Cherva cassida
chiobada dae traschias,
gherridora ‘e ruinas
chentza lamentu.
Risitos, ses solu risitos
…e ses nàschida betza.