Is andalas de sa vida

de Rosanna Podda

Scurrint in s’anima
notesta is fueddus,
scidus passant a trumas
cracaus a pari
is pensamentus…
Sind pesant sentidus
e turmentus…
ddus intendu
atuaus in palas, gràis,
in sa noti chi sfait
su sonnu sbeliau,
trogau a moddi
de strioris antigus.
Est bisu o vida
‘sa chi ndi torrat
cussu tempus diciosu
fuìu, de gosu abisau
e stramancau inconnotu.
‘Su chi preniat totu
ogus e sentidu. Arretumbu
buidu, di atripalla de coru
assuermàda de tempus
e stesiàda de bentus
chi muinant e fùrriant
is andalas de sa vida.
E scida abarru notesta
a billai unu bratzolu
de bisus… de santziai
che und’’e mari
po si dromi’... impari.

3° “ Premio B. Lobina “ – Villanovatulo 2005