Anna

de Domenico Battaglia

Nun gh’è più Anna… vindia lummazzi
in un cantu fridu du quartié anticu,
culà undi l’umbra l’aia tradita
l’indiffirenza avà regna… vagghjana.

Nun gh’è più Anna… vindia lummazzi
svistita da so peddi d’ogni ghjornu
da giòani mai nati, senza mimmória,
pe quattru citti, una lama ai spaddi,
e un crudu “viagghju” ha scancillatu una stória.
Ha vistu in un attimu du tempu l’ali
e a rialtà scumbussulàni a raggiò,
mancu più un sognu a guarì quiddi mali
und’i notti d’istati o d’antri stagioni,
pe pó stancassi und’u sforzu di capì
perché l’ommu nun sa più dà, nun sa più dì.

«Una monzetta in donu, piddétila… di cori,
macari è ghjà vota, ma sì, nun importa,
u costu è un bàsgiu o un cinnu a u soli,
in celu è aperta oramà a me porta…».
Nun ghi sò più canti e soni p’a via,
mancu drintu i so occhji svutati d’alligria
e und’u silènziu chi nun dà calóri
dummandaia pocu, solu l’amori,
c’u sguardu a circà, culà intundu,
qua und’i minuti vii a vita d’un ghjornu,
una carezza, ma no pe piità,
un surrisu, sincerità,
e un durci tramontu, ancora si brei,
in quiddu mondu ghjlatu… di nii.

Nun gh’è più Anna… nun ghi sò lummazzi
und’u cantu fridu du quartié anticu,
ma gh’è qua, avà maraviddatu, si cunfundi
und’u pinzà a quidda donna da u prufilu discretu
chi und’a fantasia si rigalaia u mari
… chi trasfurmaia in durcezza
– guasi fùssini versi d’una puisia –
a pirfìdia di l’ommu,
a cheti apparenti… a malincunia.

1° premio al 7° concorso di poesia in lingua sarda Circoscrizioni n° 2 e n° 3 di Sassari