Cherjo seminare

de Angelo Maria Mingioni

Unu cantu ‘e su coro tuo
cherjo semenare
chin su coro meu pro semene;
non m’importat nudda
si sicca est sa terra
an’a esser sas lacrimas meas
a l’abbare.
Una rosa galana at’a frorire
ruja e profumada
che sa carena tua.
Solu tando forzis
as’a cumprendere
proitte prango,
e proitte cherjo semenare.

(Menzione d’onore F.ID.A.PA. premio “Rosilde Bertolotti“ Università degli studi di Sassari) 17Maggio 2013.
(3°Premio sez.A Tema l’amore. Premio internazionale San Valentino Quartu s. Elena Cagliari.) 1 Giugno2013.