Cussì … comu la fiòcca!



de Gigi Angeli

Ha lu sò’ pìdisùgnu
pa fàssi sirià;
e ghjà indrèntu n’avvelti
la pàsida stirrùta …
poi d’ultimi dissùppuli
è còmu … un lènu falà
e lènu più ancòra
tène a parà ill’assèntu;
undi appiànu è l’essènzia a avvìniàssi
nùda di tulmèntu;

e so’pinsèri e pèni abà’ in bòlu
a fàssi a bàa di ‘èntu
in pupurèddi licèri:
di garrighi di cusciènzia
abbàmbaciàti
o inchjàppuli di puntìgli
ammàsidàti … e stràcchi
illa caldàta manna;
chi lèi
tuttu n’appiàna e gàlda
in d’unu ùmbuli astori.

Fiucchèndi n’è !?!…

… ghjùstu lu cròcculu d’un pàssu ùltimu
moi sùldu e sinni mòri;
v’è un siccùttu in sigùciu
chi l’òcchj e no’ l’arìcchj spàddha;
e un “mundu” intrèu da accinnàti prìu
si làca mutu falà …
compri cussì “ammilàtu” chena spàntu
sfèndisi in fiocca lèi … d’un pièntu … biàncu;
‘nàntu a un pùgnu d’anni
“fiuccàti” in un bulèu …

3° premio al 7° concorso di poesia in lingua Sarda Circ. 2 – 3 di Sassari