lunedì 6 ottobre 2014

Sa jana 'e sos sentidos


de Salvatore Sini

M'has tentadu...poesia
una die niedda de isconsolu.
Tramposa...
mi ses bennida a s'accua
e inghiriendemi sos sensos
in bratzos m'has leadu.
Est beru chi sos pensos mios
como lizeros currene
chintos de larittos
imbentados dai sa trizile alma mia.
Ma puru tanta tristura,
tue m'ispiras.
Forsit illuinendemi creias,
de mi sanare sos fastizos
o de dare cunsolu a s'esistenzia?
Nono...Jana 'e sos sentidos,
mi chi sa poesia est cosa 'e mannos
Et 'eo, minore minore,
a forroju postu,
triulo in sos calascios boidos de sa mente
circhende de bi buscare
frinas de recreu.
E si puru drommo
abbratzadu a tie...poesia.
Ancora no cumprendo,
cantu mi das pattimentu,
o cantu ti amo.-


Nessun commento:

Posta un commento