de Sandro Chiappori
Annùgiu
chi frocat de is ogus
chi chentza pediri
mi castiant.
Ma de nai
su contu cosa sua
gana no tenit.
Fortzis
po bregùngia
fortzis poita ca…
fai prus pagu dannu
a fai finta
de ai scarèsciu.
Ddi nant “punkabbestia”
e ca comente su cani
crocau acanta
portat arrancu;
ma cun d-unu stremu…
arrunzat is palas!
Is ogus cabori ‘i ària
insandus
si faint lùxidus…
ma no prangit.
Fortzis, candu
si tocat su fundu
is làgrimas puru
acabant.
Segnalazione - “Premiu ‘e poesia sarda Santu Mauru” - 2014
Nessun commento:
Posta un commento