Abbaidende attesu
de Giovanni Fiori
Falan
sas primmas umbras. Sian caras
a s’ànima chi galu allattat ganas;
e
dulches sian... Sas oras bajanas 1
ch’han in caminu istérridu fiaras
de amore e ispartu prammas giaras,
pasan como in cantones fittianas…
Torra si pesen cras gai galanas
che frore ruju cun su risu in laras.
S’astore torrat a roccas cagliadas
e, cun sos bentos, asséliat2 bramas)
e bolu; ne astrian uras malas 3
àteros mundos... Chentu manzanadas
in su mudeju e in sas chelvas-mamas…
Su versu, sempre battaria4 e… alas.
____________________________
1 oras bajanas - l’età giovanile
2 asseliare - quietare
3 uras malas - cattivi presagi
4 battaria - contesa, travaglio, impegno.
Nessun commento:
Posta un commento