Sos
primos bardaneris
de
Giovanni Fiori
(versos
alessandrinos - settenarios addoppiados)
A
dada ’olta die sas aeras de fogu
roccas
alvas e undas a s’and’e torra atzenden;
e
in sas tancas grogas chena una ’oghe in logu
subra
s’élighe canu lunas-arantzu penden.
In
manzanos de sole e bolos biaittos
sas
frinas riu riu gioghittan in sa uda;
e
bois da-i tesu fintz’a pês de sos littos
apprettende
che bentu puddedros a sa nuda.
Fortes
de coro e nettos fuzis de pensu e manu
cun
sa ’istrale in ojos a punna giara e ghia
pro
torrare faeddos che trigos in beranu
a
sas pedras derruttas - pantorzas de nadia.
Chie
fuzis abberu? E chie hat tentu in sorte
de
bos intender narrer? Nâde, comente e chie
bos
hat bettadu s’anca? Isciaos chena corte
ne
ondra bos cherian… Eppuru cussa die
s’istranzu
a bolt’a bolta non l’hat bida in su tottu:
sos sinnos chena tempus de cussas
dies mannas
sun
gi?mpidos tottue. E gai, su connottu
chena
làstimas sighit pro abberrer sas giannas
a
s’isméntigu surdu. E mùidat su tzinnu
de
sa rèntzia-mama da-i sas rundas altas
pro
chi torret rempellu e n?didu s’intinnu
tancadu in raighinas cun sas alas
ispaltas
peri
sas chimas nostras. Cussa fut sa prommissa
de
sas bardanas primas fattas pro giuramentu
a
sos fizos de crasa unidos che in missa
frades in dignidade fideles in
s’ammentu.
Andade
andade andade. Currizade che deris
a
birgonza ’e sos braccos ottora appedda-appedda
chena
seru ne prammas… Sos primos bardaneris
cun
sas grinas in laras allos tronende in sedda.
Cabidanni
2014/ austu 2016
----------------------
roccas
alvas - rocce bianche, calcaree. in logu, illogu - da nessuna parte, in nessun
luogo. riu riu - modo di dire, lungo il fiume. littu/os - qui foresta, selva,
bosco. apprettende, apprettare - affrettare, incitare, (la cavalcatura). a sa
nuda - a dorso di cavallo. bettare s’anca - modo di dire, qui sottomettere,
assoggettare. corte - inteso come luogo dove si esercita il potere. ondra -
onore, onoranza. istranzu - qui aggett., estraneo, straniero. a bolt’a bolta -
di volta in volta, i diversi dominatori. làstimas - piagnistei, lamentele,
inutili rimpianti. mùidat, muidare - sibilare, fischiare, rombare. rempellu -
ribelle, indomito. nòdidu - distinto, noto; solenne. currizade, currizare -
qui, cavalcare al galoppo. appedda-appedda, appeddare - abbaiare, guaire,
latrare (qui, ironico), seru - giudizio, coscienza, senno. sas grinas - le
prime luci dell’alba.
Nessun commento:
Posta un commento