Luna vagabunda
cantas nottes
depes galu agrucare
po cumprendere chie ses?
Zelosia po tottu sas nues
chi ti asant
sos pilos e sas lavras.
Torra dae mene,
ca dae meda
bivo semper in s’iscuru
amentande
su calore de un’istima
chi alimentat
custa vida remitana
ispittia in d’unu tempus
chi durat dae meda.
Chene tene.
(Premio letterario Bardia 2018 - Menzione d'onore)
Nessun commento:
Posta un commento