Sa bella Eremitana

di Larentu Ilieschi

In sa notte profumada
de sa dulze primavera,
o Maria, in cantonera
ti fato sa serenada.

Cun sa chiterra a disora,

cand’est su tempus amenu,
passadu s’ultimu trenu
torro a ti cantare ancora
a inue as sa dimora
tue bella eremitana.
Acceradi a sa ventana
s’ancora m’as simpatia,
cand’enzo a sa ferrovia
in sa notte profumada.

Pro ti narrer chi t’adoro

forsi non b’at mezus cosa
de sa cantone anorosa
chi m’est naschida in su coro,
e che novellu Lindoro
la canto paschende s’ama,
pro isfogare sa brama
ch’at in sinu dogni amante,
ch’intendo pius costante
in sa dulze primavera…