de Angelica Piras
Candu ollu,
seu bona a forrogai
su cèlu,po pinnigai perdixedda asula
a fragu de bentu e mari.
Non potzu campai
senz’e su sonu de is follas
chi baddant sighendi
su nuscu de is lavas mias disigiosas,
chi cantant s'amori po sa vida.
Abarru incantada
setzia in s'atza de su bisu,
abettendi chi su cèlu
m'arruscit a pitzus
sa spuma asula
e bistìa de sposa,
basu a Deus
chi m'at arregalau sa passioni
po sa natura
e su donu de su spantu.
3° nel concorso
“Antoni Piludu” di Scano di Montiferro 2012
Nessun commento:
Posta un commento