Tempus infroriu

de Angelica Piras

A bortas
est comenti unu caròngiu
custu arregordu.
Tempus infroriu
malàdiu de solitudini
est meri de dònnia notti,
sàntziat fueddus asullus
basendi su coru innamorau
e su scuriu achichiendi
si dromiri a pitzus
de su sinu miu.
Liscinat dì po dì
a su costau
s’umbra tua
e t’intendu acanta
a spinas de trumentu.
Ascurtendi sa luna
custu merì
s’alluint sentidus cuaus,
t’apu connotu
bestiu de antigus sùlidus,
bivis e respiras
in stiddius de àcua,
in bolidus de mariposas innamoradas,
e dònnia obrescidroxu
basu cuddu pisu profumau de tui
chi at acumpangiau
dònnia respiru miu.

Menzione al 14° Premio di Poesia Città di Iglesias 2012