de Rosanna Podda
Abarrant...sceti
carìnnius e fueddus
...de paperi,
scurrint a is ogus
bessint de is fòllius
sbisurìus, ma crarus
de xelus inconnotus
mudus...insaras.
Santziant
in pàginas scarangiàdas
arremonant pantasmas
incumprendius a su tempus
oi trasparentis…
a ligiduras scientis
ma ancora de dudas
e preguntas allùtas.
Abarrant...aintru
de una bullùca di abetu
in s’arribu stramancau
is paginas de is mudesas
...de paperi.
Prima classificata – “ Premiu Literariu “ Comune di Sedilo - 2012
“ Intre su connotu e s’annoadura “
“ Intre su connotu e s’annoadura “
Nessun commento:
Posta un commento