de Vincenzo Pisanu
Cun s’anima bestida de Arlecchinu
in custu carnovali de sa vida,
de dogna storia abbarrat colorida
s’imprenta sua lassàda in su camminu.
Coloris de cuntentu e de tristura
mudant e cangiant mesis e stasonis
e intre is amoris nostus, passionis
sìnniant diis de gosu e de amargura.
Comente unu frùmini lentu lentu
anca scurrit dogna tempus chi passat
e chi in s’ierru ingrussat e lassat
cun temporadas, nì’, frius e bentu.
E milla e milla ierrus e istadis
colorant ‘ogna passu chi fadeus,
alliongendi totu su chi seus,
avvenimentus e tonalidadis.
Un’amesturu bellu de pinturas
cummossau intre manus divinas,
una circhiolla luxenti in su celu.
Custa s’anima mia chene velu
in is oras beranilis o atonginas,
in is istorias passadas e futuras.
Custa sa sienda mia de lassai
po chini in is tempus benidoris
m’hat a sighì’ a stuggiai in sa memoria.
E s’anima mia hat a sighiri a bolai
in pimpirìdus fattus de coloris
dognunu acapiau a una storia.
2° Premio Laguna
Nessun commento:
Posta un commento