de Angelica Piras
Tengu pampas ne is ogus
candu in coru miu intendu
su sonu de s’arregordu
e de cussu basu prenu de asullu.
Prangit s’ànima trumentada
s’arriposat sceti bisendi,
intendu candu arribat sa noti
is manus tuas
carinniai is lavras mias
chi stìddiant de amori infroriu.
tengu fàmini de tui,
bollu basai ogus manciaus de spantu,
giogai cun sa buca tua
profumada de mari.
Seu brilla de bentu e soli
poita ca totus custu atòbiu
de luxi e fogu
mi spollat de dolori.
Incrubada a scroxai is pentzamentus,
is làgrimas in un proi-proi
sciundint s’ortu de ànima mia
e in custus stìddius de amori ti apubu.
Una cambarada de sùlidus
mi fùrriat,
e arrastus de tui
intrant in coru
e s’arrespiru si fait cantzoni.
2° premio al XI Cincorso letterario Anselmo Spiga- 2014
Nessun commento:
Posta un commento