Sa luna scuregìa

de Angelica Piras

A scusi
sa luna scuregìa
fastìgiat pensamentus
a fragu de asullu
e in custa notti de beranu
mi pongu a spibionai
sùlidus e sentidus cuaus.
Bollu arriposai
bisendi de tui,
imboddiai cun lentzolus de arrosas
cussu sonnu malu,
chi assachitat tzùnchius e arregordus
ingollendi cun issu su disìgiu
de ti biri finas un’atra borta.
In guddei in bàsciu
apicigau a follus de paperi
c’est su silènziu disperau
sbuidu de bàsidus e carìtzias,
pigat a scafadas de pei
fueddus e giochitus de s’ànima,
e s’arregordu de tui
si fait gòcius de amori.
Meravìllia in custu atòbiu de luxi
sentza tempus e setza edadi,
e mancai su tempus passat
biu sèmpiri
su celu arrandau cun pibionis de oru
e a coa intendu chi sighit s’umbra mia
una cantzoni chi contat de nosu
e de cussa luna scuregìa
chi at perpetuau
cuddu bàsidu profumau de asullu.

Menzione d’onore nella sezione verso sciolto al concorso Premio di Posada 2013