giovedì 19 agosto 2021

Sa Stiddiosa de Silvestro Loddo


 

Imboddiada de unu birdi mantu

stìddiasa perenne abba pura

beru capolavoru ‘e sa natura

ses de Barbàgia logu de incantu

 

In sa corona s’intendi’ unu cantu

suavi e intonau cun cura

parit ca de is janas sa sepoltura

sias tui e s’istìddiu su prantu

 

De s’abba su circufolla pintau

si pèsada in su ‘acu in mesu

e bèssidi liscèriu in sa costa

 

In s’antigòriu su sàbiu iat nau:

“cicàus su paradisu a is tesu

sendu ca ddu teneus in bidda nosta!”

 

F.d.Q. su desciaseti de su mesi ’e austu de su 2018

 

https://www.luigiladu.it/poesias/sa_stiddiosa.htm

Nessun commento:

Posta un commento